spandeer jou tyd reg

 Wie van ons wens daar was meer tyd?

Voor jy jou kan keer dan is die dag klaar en jy het nie al jou goed gedoen wat jy wou of moes doen nie.

Jou to do list hoop net op.  Het jy tyd om stil te word en eers tyd te maak in God se woord.

Dit moet bo aan jou lysie wees en weer onder jou lysie om dankie te se vir sy leiding deur die dag.

Hoeveel tyd maak jy vir jou vriende?  Is jou gesin ook op jou lysie om saam met hulle tyd te spandeer.

Kyk weer vanoggend na jou te do list en skommel dit reg en plaas God eerste, dan jou gesin en jou vriende en dan kom werk.  Nie altyd wat die wereld verwag nie. Self wil eerste op die lysie geplaas word en dan al die ander en God kom laaste as daar tyd oor is.

Gebruik jou tyd reg vandag.

Hoe ontspan jy?

 Die naweek is daar om te ontspan en jou batterye te herlaai.

Hoeveel van ons kry dit reg om daardie twee dae so te gebruik. Voor ons dit sien is die naweek verby en jy voel glad nie uit gerus nie.

Probeer om die naweke te gebruik om te doen wat jy glad nie kans kry in die week nie.

Lees 'n boek. Stap of wees net in die natuur.  Moet net nie sit by die huis nie. Of so besig wees dat jy nie kans kry om te rus nie.

Die week doen bietjie moeite om vir die naweek voor te berei waar jy kan ontspan.

Laat gaan en laat God

 Vandag laat gaan wat jou so vashou in vrees.

Sodra jy oorgee en dit los by die voete van Jesus kan jy begin leef.  Gee Hom al jou probleme, Hy weet hoe om dit te hanteer en om dit om te sit in seeninge.

Vir Hom is jou hart en karakter belangrik nie jou besittings of jou bank rekening nie. Hy wil die beste jy he.

Gee vir ander en leef in liefde.  As jy weg kyk van jou eie probleme en na ander kyk en omgee sal jy agter kom jou probleme is nie so erg nie.

Fokus op die dinge wat saak maak in die lewe.  Glimlag vandag en leef voluit vir Jesus.

As jou liggaam kon praat wat sou dit se?

 Op die oomblik is dit om meer te oefen. Minder te stres. Rustig te vat.

Jou Gesondheid is die een ding wat jy nie kan koop nie.  Jy is verantwoordelik vir jou eie gesondheid.

Wag ons te lank voordat ons oorgaan in aksie.  'n Gesonde liggaam huisves 'n gesonde gees.

Is jy kort van draad - dan slaap jy te min.

Is jy heeltyd moeg - jy doen te min oefeninge

Kyk na jouself en moet nie wag totdat te laat is nie.

Goeie gewoontes

 Wees altyd vol blydskap

Bid aanhoudend

Wees heeltyd dankbaar.

Maklike drie gewoontes om te doen.  Wel dalk nie so maklik nie, want as die golwe begin slaan en jou bootjie is besig om te sink is blydskap nie eerste op jou lys nie.

Hoe bly jy vol blydskap, jy Verbly jouself in die Here jou krag en blydskap is in die Here en nie in jouself nie. 

Maklik om te bid, maar wat as die antwoorde nie kom nie. God is nooit laat nie altyd op tyd. Die probleem is ons tyd is nie God se tyd nie. Dan raak ons moedeloos en hou op bid.

Dankbaar, is ons net dankbaar vir die gebede wat beantwoord word of bly ons dankbaar in die swaartye.

Begin vandag met drie gewoontes om deel van jou karakter te maak. 

Wees bly

Bid altyd

Wees dankbaar

Wat gaan gebeur?

 Daar is so baie dinge wat om jou gebeur en wat jou gedagtes in beslag neem.

Jy dink hoe elke situasie gaan uitspeel, jy verwag soms die ergste.

Hoe hou ons ons gedagtes skoon van neerslagtigheid en moedeloosheid? Om jou gedagtes te vul met die waarheid.

Die waarheid: daar is sekere dinge buite jou beheer en jy kan nie alles wil beheer nie.

God is en bly in beheer.

Leef in vertroue met die wete dat Hy 'n voorspoedige toekoms vir jou beplan.

Eerste Maand

 Die eerste maand van die nuwe jaar is verby.  Wat het jy anders gedoen of het jy aangegaan op dieselfde trant?

Was die maand goed vir jou of is jy net bly dit is verby? Wens jy elke dag om of leef jy vir elke dag en maak dit die beste dag ooit?

Leer uit jou foute en maak beter keuses vir die maand wat voorle.

Elke maand het sy op en af en elke maand gaan vir jou struikelblokke gooi. Dit wat jy besluit om te doen met daardie struikelblokke maak van jou 'n beter mens. Kry dit jou onder of klim jy bo-oor dit? jou keuse.

Makliker gese as gedoen, want as jy in daardie bootjie is waar die storms woed voel dit vir jou of jou bootjie gaan vergaan.

So die vraag is wie is aan die stuur van jou bootjie jyself of God?  Vertrou God vir die maand wat kom en maak elke keuse eers deur gebed as net om uit te spring en self te wil swem.

Hou God se hand vas en stap saam met Hom, die volgende maand in. Sonder Hom kan jy niks doen nie.

Die beste geskenk

Net voor jou verjaarsdag vra almal wat wil jy graag he.  Wat is die beste geskenk wat jy graag wil he?

Dink daaroor?  Dit hang baie af van jou ouderdom, hoe jonger is besittings vir jou baie belangrik, hoe ouer word mense om jou meer belangriker as besittings.

Nou is daar een geskenk wat ons almal vergeet wat die heel grootste geskenk in die wereld is. 

Die Ewige Lewe dit is 'n gratis geskenk. Al wat dit van jou vra is om dit jou eie te maak.

Leef jy so of jy die ewige lewe het of leef jy net vir nou.  Neem die geskenk en maak dit jou eie want sonder die geskenk het jou lewe nie veel betekenis nie.

Vat God se geskenk en maak dit jou eie.

Always find a reason to laugh

 Wel dit is nie altyd maklik nie.  As die lewe vir jou 'n suurlemoen gee maak lemonade is die saying.

Wel ek sit liewers in 'n hoekie en sien die ergste.

'n Bekommerde mossie. Hoe lag 'n mens as dinge te veel word.

Find a reason to laugh. Kyk net na kinders geen worries nie, hoekom vergeet ons die belofte dat God altyd sal sorg.

Dit is nie verniet dat Hy se word soos kinders nie, want hulle lag altyd en sien die reenboog.

So as jy down to the dumps vandag is vind 'n manier om te lag. Al voel dit vir jou die moeilikste om nou te doen.

Prioriteite

 As jy stil gaan sit en jou lysie maak van jou prioriteite sal dit reg wees.

Wat doen jy heel eerste as jy opstaan.  Wat neem jou tyd in beslag.

Almal vrae jou aandag kinders, man, jou werk, en voor jy jou kan keer is God laaste op jou lysie.

Begin jy elke dag eers om stil te word en raad by Hom te vra. Spring jy net weg met jou te doen lysie.

Raak stil en kry jou lysie reg en sit God eerste en al die ander dinge sal in plek val.

Jou vrese

Lys jou vrese

Vrees 1

Dat daar iets met my familie sal gebeur soos siekte of dood.

Belofte: God is in beheer en as jy Jesus het het jy die ewige lewe.

Vrees 2

Die onbekende toekoms

Belofte: Dit wat God vir jou beplan is voorspoed en nie teespoed nie. "n Toekoms.

Vir elke vrees het God 'n belofte. Hou vas aan die beloftes en nie jou vrese nie.

Jou bekommernisse

Is jou bekommernisse realisties?

Moenie jou gedurig loop en bekommer nie. Moenie van vroeg tot laat vra: Gaan ek genoeg he om te eet? of gaan ek genoeg he om aan te trek? nie. Die lewe gaan tog oor baie meer as kos en klere.

Daarom help al julle bekommernis net mooi niks. Dit gaan nie julle lewe met een enkele dag verleng nie.

Hou dan op om so kleingelowig te wees! Hy sal sorg dat julle genoeg het om aan te trek. Hou op om te se: Wat gaan ons vandag eet of drink? of Wat gaan ons vandag aantrek?

Julle het 'n Vader in die hemel wat presies weet wat julle nodig het. Hy sal sorg dat julle dit alles kry.

Los more se probleme vir die dag van more. Van probleme het elke dag immers oorgenoeg. Leef vandag voluit vir God!

Uitdagings

 Ons het twee manier om uitdagings te hanteer.

Hardloop weg en aanvaar nie die uitdaging nie of

Neem die uitdaging aan en werk aan die uitdaging.

Ons het elke dag uitdagings wat oor ons pad kom. Dit is ons keuses wat ons daarmee maak.

Uitdagings is daar om ons 'n beter persoon te maak. Dit laat ons groei, as ons elke uitdaging gebruik en leer daaruit.  

As ons sien dat uitdagings net daar is om ons te laat voel soos 'n mislukking dan hanteer ons die uitdagings van 'n negatiewe oogpunt uit.

Neem jou uitdagings vandag en maak dit positief en sien elke uitdaging 'n manier hoe God in jou werk om jou 'n beter mens te maak. Die mens wat Hy jou geskape het as.

Neem jou uitdagings vandag en sien dit as geleenthede om te groei.