Meer liefde

Laat God se liefde julle lewe omring soos 'n sterk muur. Plaas al julle hoop op die ongelooflike Goedheid van die Here. Hy gee so baie vir julle om dat Hy vir julle die ewige lewe sal gee. Liefde is mos niks anders as om Volgens die wil van God te leef nie. Dit wat ons doen, moet ons in liefde doen. Moenie na die pype van hierdie wêreld dans nie. Moenie lief word vir die dinge wat vir die wêreld belangrik is nie. Vou mekaar toe in Christelike liefde. Die liefde sien ander se foute oor en gaan nie daaroor te kere nie. Behandel almal met wie julle te doen kry beleefd en gemanierd. Julle moenie allerhande bymotiewe he nie, maar moet opreg wees. God se belofte aan ons is Hy sal jou nooit alleen los nie en Hy sal jou nooit in die steek laat nie.

Padkos vir vandag

Die Here is goed. As swaar tye kom, is 'n mens veilig by Hom. Hy sorg vir mense wat wys dat hulle Hom vertrou. Wees wakker in die lewe en moenie toelaat dat iemand julle geestelik van balans af gooi nie, want julle glo mos.  Moenie soos bangbroeke wees nie, maar staan julle man. Vertrou op die Here. Moenie Moedeloos word nie. Julle sal vir julle werk beloon word.

Wyshede om volgens te leef

Fisiese krag is 'n jongman se trots. 'n Gryskop se krag is sy kennis van die lewe. 'n Mens wat wysheid het, moet nie loop en spog met sy kennis nie. Net so moet iemand wat sterk is, nie grootpraat oor sy krag nie. Dieselfde geld vir mense wat ryk is, hulle moet nie dink hulle is beter as ander mense omdat hulle baie geld en goed het nie. As daar mense is wat tog wil spog, is daar net een Goeie rede, en dit is dat julle insig het en God ken. Die Here is die een wat altyd regverdig optree en sorg dat ander dit ook doen. Omdat Hy ons liefhet, sal Hy julle nie in die steek laat nie. Laat God se boodskap uitstraal in alles wat julle doen.

Waar is jou gunsteling plek?

My gunsteling plek kan enige plek wees net sodra ek saam met my gesin is.  Ek kan rus en net myself wees by my gunsteling plek. Al is dit my huis. Vakansie tyd is dit by die see, net om die golwe te sien en te hoor. My gunsteling plek kan ook wees waar ek stil is saam met God, sodat ek sy stem kan hoor wat my krag gee vir die dag wat voorle. Maak jou gunsteling plek 'n plek waar jy kan ontspan en jou battery herlaai. 

God se goedheid

Dit is net 'n baie dom mens wat dink God is nie daar nie. Jy kan dit sien aan wat sulke mense doen: hulle kul en bedrieg net. Hulle stel nie belang om enigiets goeds te doen nie. Maar ek geniet dit om dag na dag by God te wees. Ek kruip by die Here my God weg. Die lewende Here is my huis. Ek vertel vir almal hoe goed U is. Kom prys die Here. Dit is goed om ons God met liedere groot te maak. Wanneer God die mens rykdom gee en hom boon-op toelaat om dit te geniet en hom vreugde tussen al die swaarkry hier op aarde gee, is dit 'n spesiale geskenk van God. Leef met respek vir God, dan sal jy weet hoe om te leef. Moenie tuis raak in hierdie wêreld met al sy boosheid nie. Nee, laat God julle van binne af nuutmaak. Laat Hy julle manier van dink verander sodat julle kan weet wat Hy van julle verwag. God laat julle in al sy Goedheid deel. Eintlik oorlaai Hy julle met sy genade sodat julle altyd oorgenoeg van alles het.

God se teenwoordigheid

Ons dien 'n wonderlike God. Hy is baie sterk. Hy kan sorg dat julle nooit in die sonde val nie. Hy kan julle beskerm sodat julle veilig by Hom in sy nuwe wêreld aankom, vol vreugde en met lofliedere in julle hart sodat julle sy grootheid vir altyd kan beleef. Toe jy 'n gelowige geword het, was dit nie net maanskyn en rose nie, maar jy het 'n vyand, satan, gekry om teen te veg. Veg daardie geveg voluit deur naby aan God te bly, want dan sal jy ook vir ewig saam met Hom leef. Bly uit 'n dwaas se pad. Hy eet nie hoe om reg te leef nie. Luister eerder na iemand wat die lewe ken. Ek voel gerus om te weet dat die Her vir die mense sal sorg wat hulp nodig het. U is oral. Daar is nie 'n plek waar ek heen kan gaan waar U nie is nie.

 

Hoe om vandag te leef

Die hele Skrif kom direk van God af. Daaruit kan ons so baie leer. Dit help ons om te wys waar mense die pad byster raak en om hulle weer reg te help. Uit die Skrif kan ons ook vir mense wys hoe God wil he hulle moet leef. Die tyd is nou ryp dat God sy mense weer naby aan Hom wil bring. Daarom het Hy met ons kom praat deur sy Seun, aan wie God alles gegee het. Van die begin van die skepping af het God Hom baie duidelik aan ons bekend gemaak. Alhoewel Niemand van ons God met die blote oog kan sien nie, het Hy sy groot krag oral in die skepping aan ons kom wys. Sy handewerk wys dat Hy die enigste ware God is. So as 'n mens leef soos God dit in sy wysheid bedoel het, sal jou lewe heeltemal anders lyk, dit sal 'n lewe wees waarop die sonde geen houvas het nie. So iemand sal in vrede met ander mense saamleef, hy trap nie op ander nie, maar neem hulle gevoelens in ag so 'n persoon is ook nie dwarstrekkerig en moeilike om mee saam te werk nie, hy vergewe ander maklik en doen graag dinge vir ander sonder om iets terug te verwag, wat hy doen sal altyd net goed vir ander wees. Hy sal nie op 'n Onregverdige manier kant kies nie. Jy sal altyd weet waar jy met hom staan . Soos hy voor jou is, so is hy ook agter jou rug. Intussen het God sy Gees aan ons gegee om ons in ons swakhede te help. Ons grootste swakheid is dat ons nie aldag weet wat ons moet bid nie. Maar in sulke tye bid die Gees self vir ons. Hy vertaal al ons swaarkry in Hemelse taal.

Wees dankbaar

As ons bid tot God dan bring ons, ons lysies voor Hom. Ons probleme en ons angs. Vandag as jy bid wys jou Dankbaarheid. Se dankie vir alles wat jy wel het en vergeet van die dinge wat jy dalk tekort kom. Wees dankbaar vir jou gesondheid, daar is soveel dinge wat ons net vanselfsprekend aanvaar. Doen iets vandag om jou Dankbaarheid te bewys aan ander en aan God.

 

Vrede

Dit  moet ook vir julle baie belangrik wees om die vrede wat Christus vir julle gegee het, tot elke prys te bewaar. As julle met mekaar begin vassit, maak juis dan die keuse vir die vrede van Christus. Om die vrede te bewaar is belangrik, want God verwag van julle om soos een liggaam saam te werk. Hy wil geen dwarstrekkery he nie. En moenie vergeet om altyd vir God dankie te se vir al hierdie dinge nie.

Jesus en gebed

Kort daarna het Jesus een aand teen 'n berg opgeklim om te gaan bid. Hy het die hele nag in gebed tot God deurgebring. Ons wil net kort stilte tye he. Net gou 5 minute saam met God.  Dalk strek ons dit 'n halfuur lank.  Het ons al ooit 'n hele nag deurgebring in gebed?  Ons lees weer in die Bybel: Dit was nog donker toe Jesus die volgende more na 'n stil plek toe is om rustig met God te gaan praat. Ons kan heeltyd met God in gesprek wees, daar is niks daarmee verkeerd nie. As ons wel Sy stem wil hoor, en weet wat Sy wil is, dan is dit nodig om na 'n stil plek te gaan om te bid. As ons kyk na die lewe van Jesus hier op aarde, was Hy baie besig, maar tog het Hy gereeld na stil plekke toe gegaan om 'n bietjie stilte te he om te bid. Hoeveel te meer het ons dit nie nodig om dit te doen nie? Wat is Jesus se opdrag aan ons?  Julle moet ernstig bid dat julle nie in die versoeking beland nie. Gaan na 'n stil plek toe waar Niemand jou kan sien nie. Trek die deur agter jou toe en praat daar eenkant opreg met God. As julle van God iets vra, moet julle ook nie wonder of julle dit gaan kry nie. Julle moet so op God vertrou dat dit vir julle eintlik moet voel of julle dit al klaar gekry het. Julle antwoord dalk vandag: Ja ons bid maar God gee nie vir ons wat ons vra nie. Daar is 'n Goeie rede vir dit, julle motiewe is verkeerd. Dit gaan net om julleself en om Niemand anders nie. So wat is die oplossing: Jy hoef jouself oor niks te bekommer nie. Met 'n dankbare hart gaan praat met God oor al jou probleme, Hy luister en sal jou antwoord op die regte tyd en op sy manier. Ons kan dus heeltemal vry en vol selfvertroue met God praat.

 

 

Maak tyd vir God

Ons begin om terug te keer na normal. Almal moet weer terug wees by die werk. Die kinders gaan weer in roetine na die skool toe.  Ons tyd word nou weer beperk met afsprake en jaag na punt A na punt B. Maak tyd nog om stil te word. Maak tyd om te lees en te bid.

Luister na opbouende woorde en omring jou met positiewe mense. Los die negatiewe en skinder Praatjies.

Bou 'n vaste roetine waar jy tyd inspan om na jouself ook te kyk. Maak tyd vir jou gesin en raak stil en vertrou op die stem van God.

Loof en prys die Here elke dag, vir al die klein seëninge wat Hy gee.

Elke dag kom uit Sy hand gevul met beloftes dat Hy vir ons sorg.

Bid elke dag iets spesifiek. Geduld is altyd bo-op my lys. Geneig om altyd te jaag en haastig te wees. Om asem te haal en net te kyk sien 'n mens iets raak wat jy sal mis met al jou gejaag.

Onthou met God se krag is ons tot alles in staat.

Gebed vir vandag

 

Tel my op Here
en hou my in U liefdevolle arms
beskerm my teen die druk van die dag
en verwyder die swaarmoedigheid uit my hart.
Inspireer my met die kennis dat ek en U alles kan hanteer.

 

 

Die weg van die regverdiges

Happy and healthy are those who refuse to listen to the selfish or practice the methods of exploitation or develop minds that mock God and his designs.

Stap nie ... staan nie ... sit ook nie: Die geseënde man doen sekere dinge nie. Daar is 'n manier waarop hy nie sal loop nie, 'n pad waarin hy nie sal staan nie, en 'n sitplek waarop hy nie sal sit nie.

Ons kan sê dat dit spreek van dink, optree en behoort. Die regverdige en die goddelose is verskillend in hoe hulle dink, hoe hulle optree en aan wie hulle behoort.

The righteous delight in God's methods.

Wat maak jou gelukkig? Wat maak jou opgewonde? Dit is 'n goeie manier om te sien wat vir jou belangrik is. As persoonlike plesier die enigste ding is wat jou gelukkig maak, dan is jy 'n selfsugtige persoon. As jy met jou familie of vriende bly is, kan dit beter wees, maar dit skiet steeds tekort. Die regverdige vind sy behae ... in die wet van die HERE.

Hoe die regverdige geseënd is.

Hy sal soos 'n boom wees
Geplant deur die riviere van water,
Dit lewer sy vrugte op sy tyd,
Wie se blaar ook nie verwelk nie;
En alles wat hy doen, sal voorspoedig wees.

Dit sou ook 'n sterk en stabiele boom wees wat in diep wortels sak. Die lewe van die regverdige word gekenmerk deur krag en stabiliteit.