Sy handewerk is elke ster wat skitter, so wonderbaar vir ons.
Die wysheid wat so wonderbaar is wie kan dit peil of ooit verklaar?
Verhef die Heer wat ons verbly as wolke aan die hemel sprei, wat ons van milde reens voorsien en voedsel op Sy tyd bedien.
Hy gee die gras wat vlaktes dek, en graan wat oor die lande strek. Hy voed Sy skepsels elke dag.
Ons kan Hom prys want Hy is elke dag by ons.
Daar is geen ander Naam so soet, as Jesus vir my hart, dit stil die pyn in my gemoed, verban my vrees en smart.
Hy is my Rots op wie ek bou, my Skild die skathuis wat genade hou wat al my sonde dek.
My beste poging is gering, my grootste liefde flou, ek sal U liefde nog besing wanneer ek U aanskou.
U hart is oop vir my. o Help my om U liefde , Heer volkome te verstaan.
Stort U Gees in onse harte, maak ons van U krag bewus.
Ons bede sal Hom altyd loof ons lofgesange kroon Sy hoof. Ek loof Sy Naam met hart en mond vroeg in die stille morestond.
No comments:
Post a Comment