Snoeityd

Elke Christus volgeling gaan deur 'n seisoen van vermindering; 'n tyd wanneer God ons "verklein", ons terugsnoei, ons lewens verdun, en ons weereens herinner dat ons nie is wat ons doen nie, ons is iemand wat Hy liefhet. Tog, so dikwels, vergesel hartseer, teleurstelling en ontnugtering ons hierdie seisoen in. Maar hulle bly nie by ons nie. Uiteindelik hou die skerp gesnoeide kante op om seer te maak en hulle genees eintlik. Ons harte begin weer klop. Ons siele begin weer floreer. En ons onthou weereens dat enige gawe uit God se hand verbleek in vergelyking met om werklik Sy hart te ken. As jy verminder en teruggekap voel, moenie paniekerig raak nie; moenie wonder oor jou waarde nie (jy is alles vir Hom werd). Herinner jou siel dat God hier met jou is. Hy doen 'n diep werk in jou. En binnekort sal jy heelheid en vrugbaarheid ken wat jy nooit gedink het moontlik was nie. Rus vir eers in Sy sorg. Hy het jou.

Johannes 15:1-2 (OAV) ~ “Ek is die ware wingerdstok, en my Vader is die wingerdboer. Elke loot in My wat nie vrugte dra nie, neem Hy weg; en elke loot wat vrugte dra, snoei Hy, sodat dit meer vrugte kan dra.