Jy is beskut

 Indien moontlik sover dit van jou afhang, leef in vrede met alle mense.

Sommige gevegte is joune om te stry (met 'n hart van geloof en 'n verstand wat op Hom gerig is), en ander, is jy bedoel om heeltemal aan die Here toe te vertrou. Sommige vrese word jy geroep om te konfronteer, en ander word jy geroep om heeltemal te ignoreer. Mag jy jouself uit die kultuur se chaos ruk en onder die beskermende vlerk van die Allerhoogste God inkruip. Soos jy toelaat dat God se liefde rus in jou siel bring, sal jy jou Godgegewe strategie vir die oomblik onderskei. Soms vlak die vyand trauma-vrese wat irrasioneel, onredelik is, en nie jou tyd verdien nie. Ander kere lê jou storms ou vrese op, en God laat dit toe omdat jy gereed is om hulle te konfronteer. Die God van Engel-leërs is met jou, bereid om jou te verlos. Jy is nie uitgelewer aan die genade van die kultuur, of jou vrese, of selfs die woedende gepeupel nie. Jy is in die genade van God. Laat jou hart daar rus, vertrou daar, en vind genesing daar. Niemand kan dit vir jou doen nie. Besluit om onder die Allerhoogste God se skuiling te woon, want dan sal jy rus vind in Sy skaduwee. Jy kan nie meer geliefd wees as wat jy reeds is nie.

Psalm 91:1-2 (NLV) ~ Die wat in die skuilplek van die Allerhoogste woon, sal rus vind in die skaduwee van die Almagtige. Dit verklaar ek oor die Here: Hy alleen is my toevlug, my veilige plek; Hy is my God, en ek vertrou Hom.