Baie dankie dat ek jou kan ken. Dankie dat jy altyd daar is vir my. Jy het altyd 'n oor om te luister.
Jy gee raad met liefde uit jou hart. Jy is die een wat my hart dra en die beste in my voortbring.
Dankie dat jy my hartsbegeertes dra. My geheime is veilig by jou. Saam het ons al trane gedra. Saam het ons gelag en kan so lekker snaaks wees.
Ek vertrou jou en weet ek kan enige tyd by jou deur kom aanklop. Jy het my lewe ook verander om die beste ek te wees wat ek kan. Jou kritisie kom met 'n dosis liefde en was nooit gemik om seer te maak.
Ons kan mekaar geestelik opbou, vir mekaar bid. Jy sal altyd daar wees deur dik en dun. Jy weet net wanneer om my dag te kom opkikker met blomme.
Jy weet net wanneer ek 'n oproep nodig het. Jy is daar om my te bemoedig met jou woorde. Saam groei ons in ons geloof.
Jy is die een wat my aanvaar het net soos ek is. Jy was die een wat die goeie punte raak gesien het. Jy word nooit moeg om te luister al is dit net kla partykeer.
Jy gee werklik om vir my. Jy sal daar wees wanneer ek jou die nodigste het. Dankie dat jy my altyd laat glimlag.
Jy sal my altyd help as ek iets nodig het. Jy gee altyd 'n goeie kompliment vir my. Jy is die beste vriendin wat ek nog ooit gehad het.
Dankie vir jou Vriendskap
No comments:
Post a Comment