Deernis

 Wie van ons het deernis? Wie bewys deernis?

Een eienskap van deernis is om vriendelik te wees.

Hoe maklik is dit vir ons om vriendelik te wees met die persoon wat ons grensloos irriteer.

Dit is maklik om vriendelik te wees met iemand wat ook vriendelik is, of soos jy is.

God vra van ons om vriendelik te wees al is dit ons grootste vyand.

Ons maskers is nou af, dra weer 'n Glimlag op jou gesig wat almal kan sien, en wees vriendelik 24 uur vir vandag.

Geduld

 Die enigste manier om geduld te ontwikkel. Is om in 'n Posisie te wees waar jy dit nodig het. Dit voel dalk of jy vasgevang is in omstandighede wat nooit verander nie omdat God wil he jy moet leer om Hom te vertrou in hierdie oorgangstyd. God sal jou omstandighede verander wanneer dit sy volmaakte tyd is om dit te doen, en wanneer God se tyd reg is, sal die tydsberekening ook vir jou perfek wees. Jou tyd in hierdie wagtyd is nie vermors as jy God dien net daar waar jy is nie.

Motiveering vir vandag

 Ons moet aanvaar dat ons nie altyd die regte besluite sal neem nie, dat ons soms sal droog maak – om te verstaan dat mislukking nie die teenoorgestelde van sukses is nie, dit is deel van sukses.” –

Moet nie net na jou foute kyk of daarby stil staan nie. Leer daaruit en gaan aan.

Moet nie te hard op jouself wees nie. 

Vandag is gevul met moontlikhede en geleenthede

 Jy het al die geleenthede wat jy nodig het om alles te bereik wat jy begeer.

Geleenthede word voortdurend aan jou gebied, maar dit is of jy dit gaan gebruik of gaan jy dat dit verby jou gaan. Daar word meer moontlikhede aan jou gebied as wat jy ooit kan gebruik of nodig het. Wees dankbaar vir so 'n oorvloed geleenthede om enigiets te bereik wat jy jou kan voorstel.

Wanneer geleenthede skaars lyk, weet dat jy dit dalk net nie raaksien nie. Troos jou in die wete dat hierdie vermoë heeltemal onder jou beheer is. Herinner jouself om aandag te gee en 'n oop gemoed te hou. 

Los jou probleme

 Makliker gesȇ as gedoen ne.

Kom ons wees Positief vandag en vat een probleem en werk daar aan om dit op te los.

Erken wat die probleem is in jou lewe, dit help nie jy ignoreer dit en dink dit gaan weg gaan nie.

Vra vir hulp waar nodig, Partykeer maak jy die probleem groter as wat dit werklik is.

Skryf  'n doelwit neer wat jy wil bereik deur hierdie probleem op te los.

Werk aan 'n oplossing dit help nie net jy praat oor jou probleme nie vind oplossings.

Kom uit die gemaksone

 Watter vrese hou jou vas, om nie te kan waag nie?

Los alle vrese dit is wat die vyand wil he, want vrees en geloof kan nie saam gaan nie. Jy het of die een of die ander.'

Hou vas aan jou geloof en spring oor die muur en leef voluit vandag, sonder enige vrese.

Groei in jou geloof want net deur een klein oorwinning te he oor jou vrese stel jou in staat om vorentoe te beweeg.

Wees positief in jou gedagtes en se vir jouself dat jy kan!

Leef  vol selfvertroue, want as God vir jou is wie kan dan teen jou wees.

Neem een klein tree vandag en los jou vrees.

Wees positief vandag

 Los alle negatiewe gedagtes. Moet nie praat oor al jou probleme of bekommernis nie. 

Wees stil en weet dat God in beheer is. Laat al jou probleme by Sy voete neer en begin leef in dankbaarheid.

Lees en bid vandag uit God se woord. Moet nie vandag lelik praat van iemand anders nie of betrokke raak in skinderstories nie.

Laat gaan die verlede. Gister is verby, vandag is 'n nuwe dag met nuwe uitdagings.

Lag vandag! 

Wees dankbaar

 Jy leef!. Jy het opgestaan en het vandag om te leef vir Hom.

Wees dankbaar vir jou omstandighede. Dit kan dalk nie lekker wees nie, maar jy is daar vir 'n rede en dit is om jou te laat groei en 'n beter mens te maak.

Wees dankbaar vir jou vriende.  Hulle is daar om jou te help en jou te bemoedig.

Wees dankbaar vir jou werk. Werk ook vandag vir die Here en nie vir mense nie.

Wees dankbaar vir die vakansie wat jy gehad het saam met jou kinders.

Wees dankbaar vir jou gesin. 

Wat het jy meer nodig in jou lewe?

 Meer energie,

Om jou dagtaak te doen met entoesiasme.

Meer motiveering,

Jy sien dalk nie kans vir die berg wat voor jou is nie?

Meer vriende,

om daar vir jou te wees 

God,

Net een persoon wat al jou leemtes kan vul

Waarmee is jy besig?

 What's the difference between Big Ben and Tic Tok?

One tells time, the other wastes time.

Kinders is meer op Tik Tok as in die Woord. Wie leer hulle om God se woord lief te he.

Ons as ouers het 'n groot verantwoordelikheid en taak. Dit is so maklik om tegnologie te blameer.

Laat jou kind tegnologie gebruik om tyd in die Woord te wees en nie in die wereld nie.

Waarmee is jy besig meeste van die tyd? Praat jy oor God? Do you practice what your preach?

Tyd is min en tyd is kosbaar. Benut elke geleentheid wat jy vandag het om oor God te praat.

God is goed

 Alles wat van God af kom is goed. Glo ons dit?

Kyk ons na dinge rondom ons en raak moedeloos en hou op om te vertrou?

God gee net vir ons die goeie. Slegte tye is deel van hierdie wereld.  Ons kan bo dit uitstyg deur ons vertroue op God te plaas.

Ons leef elke dag uit God se hand. Die Here sorg vir ons, ons kan nie sonder die Here se goedheid klaarkom nie.

Loof die Here vir sy goedheid!!

Wat is ek goed in?

Ek geniet dit om orde uit chaos te skep en is altyd stiptelik.

Ek hou daarvan om dinge gedoen te kry.

My persoonlikheid word gesien as 'n toesighouer.  Die een wat alles wil laat vlot loop.

Ek is 'n gebore leier. Ek stel vir my self doelwitte. Ek is baie taakgerig.

Ek is toegewyd. Ek het 'n sterk wil. Ek is direk en eerlik.

Nou ken jy my beter.

Waar sal jy graag wil vakansie hou?

 Jy het 'n keuse tussen Mexico, Canada of 'n Privaat Eiland.

Hoe oorweeg jy jou keuses?  Kyk jy na positiewe en negatiewe van die plek? Wat jy alles daar kan doen?

Wel as ek 'n keuse vandag het kies ek die Privaat Eiland.

Rustigheid en die natuur dit sal kan doen vandag.